Мадриднинг “Реал” клуби ярим ҳимоячиси Лука Модрич амалдаги шартномаси якунлангач, испан клубини тарк этади.

Манбага кўра, футболчи мадридликлар билан шартномасини узайтирмайди ва фаолиятини бошқа клубда давом эттиради. Аввалроқ Модрич 2024 йилнинг ёзида Саудия Арабистони клубларидан бирига ўтиши мумкинлиги ҳақида хабарлар тарқалган эди.

Хорватиялик ярим ҳимоячи 2012 йилнинг август ойидан бери "Реал"да тўп тепмоқда. Жорий мавсумда у "Қироллик клуби" сафида барча турнирлар доирасида 24 та ўйин ўтказиб, битта гол ва 5 та голли узатмага муаллифлик қилган. Transfermarkt Лука Модричнинг ҳозирги трансфер қийматини 10 миллион еврога баҳоламоқда.