ЎзПФЛ кубогининг иккинчи турида “Бунёдкор” ёшлари Муборакнинг “Машъал” футболчилари билан куч синашди.
Учрашувнинг биринчи бўлими тенг курашлар остида ўтди. Бироқ бўлим ўрталарида бурчак зарбасидан оширилган тўпни “Машъал” сардори Дилявер Ваниев боши билан Зафар Сафоев қўриқлаган дарвозага аниқ жойлаб, ҳисобни очди. Иккинчи бўлимдаги ташаббус ёш “қалдирғочлар” томонига ўтди ва Александр Мочинов шогирдлари муборакликларни тўлиқ ўз жарима майдончалари ичига қамал қилиб олишди. “Машъал” ҳимоячиларининг пала-партиш ўйин кўрсатиши натижасида пенальти белгиланди. 11 метрлик нуқтадан Темур Аюпов аниқ зарбани амалга ошириб, ҳисобни тенглаштирди. Лекин орадан кўп ўтмай “Машъал” қарши ҳужумдан самарали фойдаланди. Гол муаллифи – Аслиддин Абдиев.
“БУНЁДКОР” – “МАШЪАЛ” 1:2
Голлар: Темур Аюпов – Дилявер Ваниев, Аслиддин Абдиев
