"Манчестер Сити" ярим ҳимоячи Кэлвин Филлипсни ижарага беришга шошилмаяпти.
"Барселона", "Вест Хэм" ва бошқа клублар ярим ҳимоячига қизиқиш билдирмоқда. Журналист Тони Хуанмарти хабар беришича, англияликни ижарага олмоқчи бўлганлар унинг ҳозирги маошининг асосий қисмини ўз зиммаларига олишлари керак, "шаҳарликлар" эса ижара шартномаси учун алоҳида товон пулини ҳам талаб қилади.
Олдинроқ "Барселона"да молиявий қийинчиликлар туфайли 28 ёшли футболчининг трансферига шубҳа қилишаётгани хабар қилинганди. Келишув амалга ошиши учун "Манчестер Сити" ўз талабларини жиддий пасайтириши керак.