"Милан" вингери Кристиан Пулишич жорий мавсумнинг иккинчи ярми ҳақида ўз фикрлари билан ўртоқлашди.

«Россонерилар» 20 турдан кейин «Ювентус»дан 7 очко, «Интер»дан 9 очко ортда қолиб, турнир жадвалида учинчи ўринни эгаллаб турибди.

Бугун Стефано Пиоли шогирдлари сафарда “Удинезе”га қарши баҳс олиб борди ва иродали ғалабага эришди. «Удинезе билан ўйин жуда муҳим бўлишини билгандик, охирги марта улар бизни мағлуб этишган.

Биз ҳар бир ўйинга бор эътиборимизни қаратишимиз ва ғалаба қозонишда давом этишимиз керак. “Удинезе”га қарши сафарда бу янада қийинроқ бўлди, аммо биз тайёр эдик.

Биз "Интер" ва "Ювентус"га яқин бўлишимиз керак, биз юқори поғонадан жой учун курашиш имкониятига эга бўлишимиз ва улар билан тўқнаш келган учрашувларда ғалаба қозонишга ҳаракат қилишимиз керак", - деди Пулишич A Сериянинг расмий каналига берган интервюсида.