"Милан" бош мураббийи Стефано Пиоли "Удинезе"га қарши ўйиндан сўнг (3:2) ўз фикрлари билан ўртоқлашди.
“Россонерлар” A Сериянинг меҳмондаги ўйинида 93-дақиқада Ноа Окафорнинг ҳаракатлари эвазига ғалабани қўлга киритди.
“Биринчи бўлимда бирдан ортиқ гол уришимиз керак эди. Кейин кутилмаганда икки марта гол ўтказиб юбордик ва бу вазиятни мураккаблаштирди.
Aгар таслим бўлмасангиз, ўзингизга ва жамоадошларингизга ишонишда давом этсангиз, ўйин ҳар доим ўзгариб кетиши мумкинлигининг яна бир исботи бугунги учрашувдир.
Биз доимий жисмоний кураш олиб борадиган қийин учрашувни кутгандик, бироқ биз тўғри ёндашувни топдик ва характер кўрсатдик, бу эса якунда ғалабани тортиб олишимизга имкон берди", - деди Пиоли.
