Тошкентнинг “Бунёдкор” футбол клуби ўзининг учинчи хорижий йиғинини ўтказиш учун Туркияга йўл олди.
“Бунёдкор” ФК делегацияси Тошкент-Истамбул-Анталия йўналиши орқали парвоз қилди. Айни пайтда жаҳоннинг турли футбол клублари билан гавжум бўлиб турган Анталиядаги йиғин 8-20 февраль кунлари олиб борилади. Ушбу ўқув-машғулот йиғини доирасида тўртта назорат учрашуви бўлиб ўтади.
Бош мураббий Миржалол Қосимов Анталиядаги йиғинга қуйидаги футболчиларни олиб кетди:
Дарвозабонлар – Игнатий Нестеров, Муроджон Зухуров, Акбар Тўраев
Ҳимоячилар – Акмал Шораҳмедов, Абдуқаҳҳор Хожиакбаров, Артём Филипосян, Хайрулла Каримов, Анвар Ғофуров, Саҳоб Жўраев, Дилшод Жўраев
Ярим ҳимоячилар – Алибобо Раҳматуллаев, Фозил Мусаев, Жавлон Иброхимов, Лутфулла Тўраев, Жасур Ҳасанов, Олег Зотеев, Шавкат Саломов
Ҳужумчилар – Камолиддин Мурзоев, Баҳодир Пардаев, Игорь Таран, Сардор Рашидов
“Қалдирғочлар”нинг Анталиядаги назорат учрашувлари ва спарринг рақиблар жадвали қуйидагича:
10 февраль. “Бунёдкор” – “Шахтёр” (Қарағанда, Қозоғистон)
13 февраль. “Бунёдкор” – “Ягеллония” (Белоцок, Польша)
16 февраль. “Бунёдкор” – “Черноморец” (Одесса, Украина)
19 февраль. “Бунёдкор” – “Ворскла” (Полтава, Украина)
