"Рома"нинг собиқ бош мураббийи Жозе Моуриньо қишда "Наполи"ни бошқара олмайди.

Бу ҳақда журналист Фабрицио Романо хабар бермоқда. Манбага кўра, Италия қоидалари мураббийга собиқ жамоасини тарк этганидан кейин тез орада A Серия жамоасини бошқаришини тақиқлайди.

Шу сабабдан Моуриньо жорий мавсумда "Наполи"да бўлмайди. Португалиялик мутахассис келаси ҳафтада «Наполи» билан музокара олиб бориши ҳақида аввалроқ хабар берилганди.

Эслатиб ўтамиз, Моуриньо 16 январь куни “Рома” бош мураббийлигидан бўшатилган эди. Таниқли португалиялик Рим клубида 2021 йилнинг ёзидан буён ишлаб келган.

Шунингдек, у аввалроқ «Челси», «Манчестер Юнайтед», «Тоттенхэм», «Интер» ва «Реал» клубларини бошқарган.