Парагвайлик "Ньюкасл" футболчиси Мигель Альмирон фаолиятини Саудия Арабистонида давом эттириши мумкин. Журналист Бен Жейкобс хабарига кўра, "Аш-Шабаб" парагвайлик вингернинг трансфери бўйича "магпилар" раҳбарияти билан дастлабки келишувга эришган.
Қайд этилишича, футболчининг ўзи ҳам кўчиб ўтишга тайёр, аммо клублар ўртасидаги келишув ҳалигача тузилмаган.
Альмирон 2019 йилдан бери "Ньюкасл"да ўйнаб келмоқда. Жорий мавсумда Мигель барча турнирларда 31 та ўйин ўтказиб, 5 та гол ва иккита голли узатмани амалга оширди.