"Барселона" сўнгги ўйинларда, жумладан якшанба куни бўлиб ўтган "Реал" - "Алмерия" (3:2) учрашувидаги ҳакамлар ишидан норози.

Sport.es хабарига кўра, клуб ҳакамларнинг қарорларидан норози, аммо ҳозирча бу борада оммавий чоралар кўрилмайди. Каталонияликлар яқин орада ҳакамлик ҳолати яхшиланишига умид қилмоқда. Шу билан бирга, “Барселона” жорий мавсумда чемпионлик унвонини қўлга киритиш имкониятига ишонаётгани таъкидланган.

Ҳозирда Хави шогирдлари "Реал"дан 7 очко, шов-шувли "Жирона"дан 8 очко ортда қолмоқда.