"Барселона" ҳимоячилари Андреас Кристенсен ва Жоау Канселунинг қайтиши мумкин бўлган сана маълум бўлди. Журналист Алекс Пинтанел хабарига кўра, иккала футболчи ҳам "Барселона" кубок доирасидаги "Атлетик"га қарши ўйинда иштирок этиши мумкин.
Аммо, манбага кўра, футболчилар борасида якуний қарор эртага, ўйин бошланишига бир кун қолганда қабул қилинади. Жорий мавсумда Кристенсен барча мусобақаларда 23 та ўйинда майдонга тушди ва битта голли узатмани амалга оширди.
Канселу майдонда 22 та ўйинда майдонга тушиб, 3 та гол урган ва 2 та голли узатмани амалга оширган. "Атлетик" ва "Барселона" ўртасидаги Испания кубоги чорак финал учрашуви 24 январ куни бўлиб ўтади.
