"Бавария" вингери Лерой Санега Европанинг турли чемпионатларининг топ-клублари қизиқиш билдирмоқда.

28 ёшли футболчининг шартномаси 2025 йилда тугайди ва миш-мишларга кўра, вазиятни Премьер-лига ва Ла Лига гигантлари ҳамда "ПСЖ" кузатиб бормоқда.

Журналист Керри Хоунинг сўзларига кўра, Сане энди бутун эътиборини футболга қаратган ва “Бавария” унга тез орада янги шартнома таклиф қилишини кутмайди.

Футболчи Мюнхенда қолишни истайди, аммо Евро-2024 га қадар музокараларни тўхтатишга тайёр. Шу билан бирга, манба таъкидлаганидек, агар келишув узайтирилмаса, аввалроқ «Манчестер Сити»да ўйнаган Саненинг Aнглия премьер-лигасига қайтиши устувор вариант бўлади.