"Ювентус" ҳужумчиси Мойзе Кин тез орада ижара асосида бошқа жамоада ўйнайди.
Хабарингиз бор, Мадриднинг “Aтлетико” клуби италиялик футболчини ўз сафига қўшиб олишга яқин турибди, бироқ форвардга янги даъвогар – “Байер” пайдо бўлди.
Инсайдер Флориан Плеттенбергнинг сўзларига кўра, леверкузенликлар келишув устида ишлай бошлаган, бироқ музокаралар дастлабки босқичда.
Ҳозирча ҳеч қандай қарор қабул қилинмаган. Мойзе Кин Массимилиано Aллегри жамоасининг асосий таркибига кира олмаяпти, шу боис “кекса синёра” раҳбарияти 23 ёшли футболчини мавсум охиригача ижарага беришга тайёр.
