"Барселона" ҳужумчиси Роберт Левандовски Каталония жамоасининг жорий мавсумдаги имкониятларига баҳо берди.
“Гол уриш ҳеч қачон осон эмас. Мен ёш футболчилар кўп бўлган жамоада ўйнайман. "Барселона"да ўзимни ажойиб ҳис қиляпман. Ўтган йили биз Ла Лига ва Суперкубокни қўлга киритдик ва мен чемпионатнинг энг яхши тўпурари бўлдим. Бу мавсум ҳам жуда муҳим, бизга ғалабалар керак. Ишончим комилки, биз бу кампанияда нимадир ютамиз", - дея Левандовски сўзларини келтирмоқда Mundo Deportivo.
20 турдан сўнг "Барселона" Испания чемпионати турнир жадвалида 44 очко билан тўртинчи ўринни эгаллаб турибди. Жамоа пешқадам “Жирона”дан 8 очко ортда қолмоқда.
