Мадриднинг “Атлетико” клуби бош мураббийи Диего Симеоне ҳужумчи Анхель Корреанинг кетиши мумкинлиги ҳақидаги саволга жавоб берди.
"Ал-Иттиҳод" 28 ёшли аргентиналик футболчини сотиб олишга қизиқмоқда. Баъзи маълумотларга кўра, "матрасчилар" Саудия клубининг таклифини аллақачон рад этишган, аммо келишув ҳали ҳам амалга ошиши мумкин.
“Кеча мен Анхель билан узоқ суҳбатлашдим. У учун энг яхшисини умид қиламан. Юқорида айтганимдек, нима бўлишидан қатъи назар, биз клубга қалбини берган одамларни қўллаб-қувватлашга тайёрмиз", - дея Симеоне сўзларини келтиради инсайдер Фабрицио Романо.
Анхель Корреа 2015 йилдан бери "Атлетико Мадрид"да ўйнаб келмоқда. Форварднинг мадридликлар билан шартномаси 2025/26 йилги мавсум охирида якунига етади.
