"Фулхэм" марказий ҳимоячиси Тосин Адарабиойо "Милан" билан музокаралар олиб бормоқда.
Аввал хабар қилинганидек, 26 ёшли футболчига А Сериянинг яна бир гранди "Интер" ҳам даъвогарлик қилмоқда. Инсайдер Жанлука Ди Марционинг сўзларига кўра, миланликлар келишув устида ишлашни бошлаб юборишган: “россонерилар” вакиллари мавсум охирида шартномаси тугайдиган англияликнинг агенти билан боғланишган. Марказий ҳимоячи июнь ойида эркин агент сифатида шартнома имзолаши мумкин эди, аммо миланликлар ҳимоя марказидаги кадрлар муаммосини ҳал қилиш учун январь ойида футболчини арзонлаштирилган нархда сотиб олишга ҳаракат қилишлари мумкин.
Тосин Адарабиойо 2020 йилдан буён “Фулхэм”да ўйнаб келмоқда. Бунгача ҳимоячи "Манчестер Сити"га тегишли эди.
