"Fulxem" markaziy himoyachisi Tosin Adarabioyo "Milan" bilan muzokaralar olib bormoqda.
Avval xabar qilinganidek, 26 yoshli futbolchiga A Seriyaning yana bir grandi "Inter" ham da’vogarlik qilmoqda. Insayder Janluka Di Marsioning so‘zlariga ko‘ra, milanliklar kelishuv ustida ishlashni boshlab yuborishgan: “rossonerilar” vakillari mavsum oxirida shartnomasi tugaydigan angliyalikning agenti bilan bog‘lanishgan. Markaziy himoyachi iyun oyida erkin agent sifatida shartnoma imzolashi mumkin edi, ammo milanliklar himoya markazidagi kadrlar muammosini hal qilish uchun yanvar oyida futbolchini arzonlashtirilgan narxda sotib olishga harakat qilishlari mumkin.
Tosin Adarabioyo 2020 yildan buyon “Fulxem”da o‘ynab kelmoqda. Bungacha himoyachi "Manchester Siti"ga tegishli edi.
