"Aрсенал"нинг собиқ футболчиси Пол Мерсон жорий мавсум чемпионлик учун кураш ҳақида гапирди, шунингдек, у "канонирлар" ҳужумчилари Габриэль Жезус ва Эдди Нкетиани "Ливерпуль" ҳужумчиси Муҳаммад Салоҳ билан солиштирди.
“Менимча, “Aрсенал” ҳали ҳам чемпионлик учун курашмоқда. Куни кеча улар ажойиб натижага эришдилар (Улар Премьер-лиганинг 20-тури доирасидаги ўйинда "Кристал Пэлас"ни 5:0 ҳисобида мағлуб этишди), демак, "Aрсенал" чемпионлик учун курашаётган жамоалар қаторидан жой олгани аниқ.
Лекин Жезус ва Нкетиа Салоҳ каби кўп гол ура олмайди ва у ҳужумнинг ўнг қанотида ўйнайди. Бу "Ливерпуль" учун катта устунлик; агар мерсисайдликлар сўнгги пайтларда ўйнагандек ўйнашда давом этишса, чемпионлик учун узоқ вақт курашади", - дея Мерсоннинг сўзларини келтиради Mirror.
