"Ливерпул"нинг собиқ футболчиси Ян Мёльбю "мерсисайдликлар"нинг уругвайлик ҳужумчиси Дарвин Нуньес ҳақида гапирди.

“У ажойиб ўйинчи, бунга ҳеч қандай шубҳа йўқ. Идеал дунёда, албатта, Дарвиннинг имкониятларини ҳисобга олган ҳолда, бироз кўпроқ гол уриш керак. Аммо у ажойиб ўйинчи ва менимча, Дарвин доимо ўша ўйинчи бўлиб қолади.

Унинг учун индивидуал ўйин қандай ўтишига ишончимиз комил эмас, лекин бир нуқтада у иккита гол уради, кейин иккита голли узатмани амалга оширади ва кейин бир ёки иккита имкониятни бой бериши мумкин. Бу унинг ўйин услуби, у шундай ўйнайди", - дея Мёльбюнинг сўзларини келтиради Four Four Two.

Жорий мавсумда 24 ёшли Нуньес АПЛда 20 та ўйин ўтказиб, 7 та гол урди ва 6 та голли узатмани амалга оширди.