"Реал" ҳимоячиси Эдер Милитао Мадрид клуби билан шартномаси узайтирилгани ҳақида фикр билдирди. Футболчининг янги шартномаси 2028 йилнинг ёзига қадар мўлжалланган.

“Дунёнинг энг яхши клуби билан шартномамни узайтирганимдан фахрланаман, бу ерда эканлигимдан жуда хурсандман. Мен бу ерда тарих яратишни давом эттиришга жуда ғайратли ҳис қиламан. Бу мен учун алоҳида нарса. "Реал" - менинг уйим", - дея Милитао сўзларини келтирмоқда Madrid Zone.

Бразилиялик футболчи “Реал” сафида барча мусобақаларда 143 та ўйин ўтказиб, 11 та гол урди ва 5 та голли узатмани амалга оширди. Мадрид жамоаси таркибида у икки карра Испания чемпиони, мамлакат кубоги ғолиби, Чемпионлар лигаси, Европа Суперкубоги ва клублар ўртасидаги жаҳон чемпионати ғолибига айланди.