"Фенербахче" ва Италия терма жамоасининг марказий ҳимоячиси Леонардо Бонуччи ёзда Германияда бўлиб ўтадиган футбол бўйича Европа чемпионатида иштирок этиш истаги ҳақида гапирди.
“Мақсадим бу турнирда терма жамоа билан бирга бўлиш. "Фенербахче"га ўтишдан олдин Спаллетти билан учрашув ўтказдим. Биламан, бу осон турнир эмас, лекин Италия амалдаги чемпион. Ғалаба учун яна Германияга борамиз!
Италия чемпионликни ҳимоя қилиш учун боради ва мен бу борада терма жамоамизга ёрдам бермоқчиман. Якуний қайдномага кирсам, боримни бераман", - дея Бонуччи сўзларини келтиради Football Italia.
Бонуччи жорий январдаги трансфер ойнасида "Фенербахче" футболчисига айланди. Бунгача ҳимоячи олти ойни "Унион" Берлинда ўтказган.
