Лондоннинг “Челси” клуби Англия Лига кубогининг биринчи ярим финалида “Мидлсбро”га қарши ўйиндаги омадсизликка муносиб жавоб қайтарди; Маурисио Почеттино шогирдлари жавоб ўйинида олтита гол урди. Ҳимоячи Бен Чилуэлл "Челси" футболчилари биринчи ўйиндаги мағлубиятдан кейин юқори мотивацияга эга бўлганини тасдиқлади.
"Мағлубиятни эслатишнинг ҳожати йўқ эди, биз буни ўзимиз билардик ва ғалаба қозонишни жуда хоҳладик. Биз куч қўшдик ва томошабинлар бизга ёрдам беришди. Дастлабки гол муҳим эди ва биз уни урдик", - дея "Челси" ҳимоячисининг сўзларини келтиради BBC Sport.
