Лондоннинг “Челси” клуби дарвозабони Жорже Петрович доим “кўклар” сафида ўйнашни орзу қилганини тан олди.

Эслатиб ўтамиз, 24 ёшли серб ушбу мавсум бошланишидан олдин Британия пойтахтига "New England Revolution"дан 14 миллион евро эвазига кўчиб ўтганди.

"Челси"да ўйнаш Сербиядаги ҳар қандай футболчининг орзусидир. Бранислав Иванович ва Неманья Матич каби сербиялик футболчилар аллақачон клуб сафида тўп тепган.

"Челси" Сербия маданияти нималигини билади", - дея дарвозабоннинг сўзларини келтиради "кўклар" расмий сайти.

Петрович энди "Челси"нинг асосий дарвозабони. Жорже жароҳат олган Роберт Санчеснинг ўрнини муваффақиятли эгаллади.