Руминия терма жамоаси дарвозабони Хорациу Молдован Мадриднинг “Атлетико” жамоаси сафига қўшилди. Бу ҳақда испан клуби расмий сайтида маълум қилди.
Томонлар ўртасидаги шартнома уч ярим йилга тузилган. Нуфузли Transfermark портали маълумотларига кўра, "Атлетико" 26 ёшли молдованинг трансфери учун руминиялик "Рапид"га 800 минг евро тўлаган.
Жорий мавсумда Молдован барча турнирларни ҳисобга олган ҳолда 23 та ўйин ўтказиб, ўз дарвозасидан 25 та гол ўтказиб юборди ва ўн марта ўз дарвозаси дахлсизлигини сақлаб қола олди.
