Лондоннинг “Челси” клуби “Астон Вилла” ҳужумчиси Жон Дюраннинг трансфери устида фаолроқ иш бошлади. Журналист Гилермо Аранхонинг сўзларига кўра, сўнгги соатларда “кўклар” колумбиялик форвардга қизиқишни кучайтирган.
Эслатиб ўтамиз, Дюран аввалроқ “Челси”дек топ-клубга бажонидил ўтишини айтган эди. Тўғри, лондонликлар Жонни биринчи навбатда "Вест Хэм" қизиқаётган Армандо Брояни сотган тақдирдагина таклиф қилишлари мумкин.
20 ёшли Дюран Англия премьер-лигасининг жорий мавсумида иккита гол урди. Transfermarkt колумбиялик футболчини 17 миллион еврога баҳоламоқда.
