"Барселона" бош мураббийи Хави Эрнандес жамоанинг қолган мавсумдаги мақсадлари ҳақида гапирди.

“Биз тезда орқага қайтишимиз ва Ла Лига ва Чемпионлар Лигасида ғалаба қозонишни мақсад қилишимиз керак. Бизда ҳали иккита соврин учун имкон бор, улар учун кураша оламиз. Ўйлайманки, агар жамоа шу дам олиш кунларида "Вильярреал"ни мағлуб этса, футболчиларнинг кайфияти қайтади", - деди Хави матбуот анжуманида.

Эслатиб ўтамиз, “Барселона” чемпионатда пешқадамдан 8 очко ортда қолмоқда. Чемпионлар лигасининг 1/8 финалида "кўк-анорранглилар" “Наполи” билан тўқнаш келишади.