Ла Лиганинг 17-турида “Вильярреал” билан ўйинда (4:1) чап тиззасининг олдинги хоч бўғимидан жароҳат олган “Реал” ҳимоячиси Давид Алаба реабилитация жараёнини давом эттириш учун Австрияга жўнаб кетди.
31 ёшли футболчи клуб рухсати билан ва операциядан бир ой ўтиб яхши тикланишни давом эттириш ниятида шундай қилган. Бироқ, “Реал Мадрид” шифокорлар жамоаси февраль ойи ўрталаригача Австрияда қоладиган футболчининг ҳолатини кузатиб боради.
Мадридга қайтганидан сўнг Алаба таёқчаларсиз якка тартибда ишлай олади ва ривожланишда давом этади. Бу жараён июнь-июль ойларида якунланиши кутилмоқда, шундан сўнг у кейинги мавсумда майдонга қайтади.
2023/2024 йилги мавсумда Алаба 17 та ўйин ўтказиб, 2 та голли узатмани амалга оширди.
