Бугун, 26-январь куни Australian Open-2024 турнирининг 1/2 финал учрашуви бўлиб ўтди ва унда дунёнинг биринчи ракеткаси, сербиялик теннисчи Новак Жокович Италия вакили Янник Синнер (дунёнинг тўртинчи ракеткаси) билан ўйнади.
Учрашувнинг биринчи сети 6:1 ҳисобида Синнер фойдасига якунланди. Иккинчи сетда италиялик 6:2 ҳисобида зафар қучди.
Бу Новак Жоковичнинг "Катта Дубулға" туркумидаги асосий тўрдаги иккинчи энг ёмон стартига айланди.
Унинг энг ёмон старти россиялик Марат Сафин билан 2005 йилги Aвстралия очиқ чемпионатининг биринчи даврасидаги ўйинда содир бўлган. Ўшанда серб дастлабки икки сетда 0:6, 2:6 ҳисобида имкониятни бой берганди.
Эслатиб ўтамиз, Янник Синнер тўрт сет (6:1, 6:2, 6:7, 6:3) якунига кўра Новак Жоковични мағлуб этди.
