Мадриднинг “Aтлетико” клубининг хорватиялик дарвозабони Иво Грбич Aнглия премьер-лигаси аутсайдери – “Шеффилд Юнайтед” клуби лагерига кўчиб ўтди.
"Пичоқчилар" матбуот хизмати футболчининг трансферини расман эълон қилди. Дарвозабон янги клуби билан 2027 йилнинг ёзига қадар меҳнат шартномаси имзолаган.
"Шеффилд Юнайтед" дарвозабон учун "Aтлетико"га тўлаган товон пули номаълум. Грбич жорий мавсумда “матрасчилар” сафида барча мусобақаларда бирорта ҳам ўйин ўтказмаган. Дарвозабон 28 ёшда ва 3,5 миллион еврога баҳоланмоқда. Грбич Мадрид клубида анчадан бери - 2020 йилнинг ёзидан бери тўп тепади.
