"Ювентус"нинг 20 ёшли аргентиналик вингери Матиас Соуле ушбу мавсумда "Фрозиноне"да ижара асосида ўйнамоқда. У Саудия Арабистонининг "Ал-Иттиҳод" клуби таклифини рад этди.
Манбага кўра, араб клуби "Ювентус"га 30 миллион еврога яқин таклиф тайёрлаган, бироқ аргентиналик ҳужумкор қанот футболчиси Саудия Профессионал лигасига ўтишдан бош тортганини айтган. Қайд этилишича, аргентиналик “Ал-Иттиҳод” бош мураббийи Марсело Гальярдо шахсан ўзи ҳужумчини жамоада кўришни хоҳлаган.
Жорий мавсумда "Фрозиноне"нинг ҳужумкор вингери клуб сафида барча турнирларда 22 та ўйин ўтказиб, 9 та гол урди ва битта голли узатмани амалга оширди.
