Испания чемпионати 23 турининг «Барселона» ҳамда «Гетафе» ўртасидаги учрашуви ўз ниҳоясига етди. Ўйинда майдон эгалари «Барселона» футболчилари 6:1 ҳисобида ғалаба қозонишди.

Ўйин олдидан мезбонлар етакчиси Леонель Месси учрашувнинг кун ярмида ўтказилаётгани натижага таъсир кўрсатмайди деб айтган эди. Шундай бўлиб чиқди ҳам. «Барселона» рақибга ҳеч қандай имконият қолдирмади. Эътиборлиси бу баҳсда йирик ҳисоб қайд этилган бўлишига қарамай, ҳеч ким биттадан кўп гол кирита оламди.

Бу ғалабадан сўнг «Барселона» ўз очколари сонини 62 тага етказиб олди ва мусобақа жадвалидаги карвонбошилигини давом эттирмоқда.

Барселона – Хетафе 6:1 (2:0)
Голлар: Санчес (6), Месси (13), Вилья (58), Тельо (79), Иньеста (90), Пике (90) - А. Васкес (83).
Барселона: Вальдес, Адриано (Дани Алвес, 46), Пике, Пуйоль (Маскерано, 76), Альба, А.Сонг, Алькантара, Иньеста, Санчес (Тельо, 73), Месси, Вилья.
Хетафе: Кодина, М. Торрес, Лопо, Алексис, Эскудеро, Борха, Ласен, Баррада (Сарабия, 70), Д. Кастро, Гавилан (Педро Леон, 65), Колунга (А. Васкес, 73).
Огоҳлантиришлар: Лопо (39), Д. Кастро (42), А.Сонг (58).