Алтай Байиндир "Манчестер Юнайтед" сафида "Ньюпорт"га қарши ўйинда дебют қилади.

Буни манкунианликлар бош мураббийи Эрик тен Хаг ҳам тасдиқлади.

“Байиндир асосий таркибда бўлади. У ўз имкониятини кутмоқда. Алтай Туркиянинг катта клубида катта босим остида ўйнаган. У буни қандай ҳал қилишни билади ва биз унга ишонамиз.

Шундай қилиб, якшанбани интиқлик билан кутамиз. Алтай ўз имкониятини кутган эди ва бу дақиқа келди", - деди тен Хаг.

Байиндир 2023 йил 1 сентябрда “Манчестер Юнайтед”га ўтган эди. У ҳали инглиз клубида битта ҳам ўйин ўтказмаган.

Англия кубоги доирасидаги "Ньюпорт" - "Манчестер Юнайтед" учрашуви 28 январь куни бўлиб ўтади.