"Барселона" ва Испания терма жамоасининг собиқ ҳужумчиси Давид Вилья "Атлетико Мадрид" футболчиси Альваро Мората ҳақида гапирди.
Вилья мавсумни яхши ўтказаётган 31 ёшли футболчи учун жуда хурсанд эканлигини тан олди. Экспертнинг фикрича, Мората аввал ҳам асоссиз танқидларга учраган.
“Мората ажойиб йигит, мен уни шахсан биламан. У ажойиб футболчи. Менимча, уни кўпинча ноҳақ ёки ортиқча танқид қилишади", - дея Вильянинг сўзларини келтиради AS.
Жорий мавсумда Мората “Атлетико” сафида 29 та ўйинда майдонга тушиб, 19 та гол урди ва 3 та голга ассистентлик қилди.
