"Реал"нинг собиқ бош мураббийи Зинедин Зиданнинг фаолиятини давом эттириш борасидаги ниятлари маълум бўлди.

51 ёшли мутахассис ўзининг бўлажак жамоаси сифатида фақат Франция терма жамоасини кўради ва бошқа жойда ишлаш нияти йўқ. Қайд этилишича, шу сабабдан Зидан маҳаллий футбол федерасиясидан Жазоир терма жамоасини бошқариш таклифини рад этган, гарчи унинг оиласи бу вариантга ниҳоятда ижобий муносабатда бўлган бўлса ҳам.

Манба берган хабарга кўра, Зидан мураббийликка қайтишга шошилмаяпти ва Франция терма жамоасининг амалдаги бош мураббийи Дидье Дешам билан шартномаси 2026 йилда якунига етгунча кутишга тайёр.