Кеча "Олмалиқ" асосан ёшлар таркиби билан Қозоғистон чемпионати биринчи лигаси вакили “Спартак” жамоаси билан баҳс юритди.
Учрашувда асосий таркиб билан машғулот олиб бораётган баъзи футболчилар ҳам иштирок этишди. Ўйин меҳмонларнинг тезкор ҳужумлари билан бошланди. 2-дақиқада бурчак зарбасидан сўнг рақиб футболчиси бош билан дарвозани ишғол этиб ҳисобни очди. Орадан икки дақиқа ўтиб қозоғистонликларнинг навбатдаги ҳужуми ҳам гол билан якунланди.
“Олмалиқ” ёшлари ўйин тизгинини ўз қўлларига олишга интилишди. Натижада бир дақиқа ичида ҳисоб тенглашди. 13-дақиқада Александр Лупашко ҳисобни қисқартирган бўлса, 14-дақиқада Элёр Мамасолиевнинг аниқ тўп оширишидан сўнг, Сарвар Ўрозалиев дарвозани ишғол этди. Биринчи тайм шу ҳисобда якун топди.
Иккинчи таймда майдонда тенг кураш кечди. 62-дақиқада Ўткир Ғоипов жарима майдонига кириб зарба берди. Рақиб посбони тўпни қайтаришга эришди, бироқ Анвар Сапаров томонидан йўлланган иккинчи зарба олдида ожиз қолди.
Олмалиқликлар навбатдаги учрашувини 12 февраль куни “Қизилқум” жамоасига қарши ўтказади. Бу ўйин ПФЛ кубоги доирасида гуруҳнинг сўнгги тур ўйини бўлади.
“Олмалиқ” – “Спартак” (Қозоғистон) 3:2
Голлар: Александр Лупашко 13, Сарвар Ўрозалиев 14, Анвар Сапаров 62.
“Олмалиқ”: Никита Шквирин, Дониёр Фозилов, Шуҳрат Садриддинов, Абдулазиз Абдужабборов, Даврон Расулжонов, Элёр Мамасолиев, Александр Лупашко, Сардор Сотволдиев, Исроил Эргашев, Бахтиёр Шокиров, Сарвар Ўрозалиев
Захирадан майдонга тушганлар: Жавлон Азимжонов, Ўткир Ғоипов, Бекзод Тожибоев, Анвар Сапаров, Жасур Жайнаков, Мурод Ахатов.
