Уругвайлик ярим ҳимоячи Факундо Пеллистри "Манчестер Юнайтед"ни тарк этишга яқин турибди. Фабрицио Романонинг ижтимоий тармоқлар орқали хабар беришича, 22 ёшли футболчининг янги иш жойи "Гранада" бўлади.
Клублар муваффақиятли музокаралар олиб боришди ва ижара шартномасини имзолашга келишиб олишди. Битим бўйича сўнгги сўзни "қизил иблислар" бош мураббийи Эрик тен Хаг айтади.
Пелистрининг келажаги нидерландияликнинг қарорига боғлиқ. Англия премьер-лигасининг жорий мавсумида Факундо манкунианликлар сафида 9 та ўйинда майдонга тушиб, битта голли узатмани амалга оширди.
