"Барселона" бош мураббийи Хави клубни тарк этишини февраль ойи охирида, "Наполи" билан Чемпионлар лигаси 1/8 финалининг биринчи ўйини бўлиб ўтиши керак бўлган вақтда эълон қилишни режалаштирганди. Бу ҳақда Х ижтимоий тармоғида El Chiringuito телеканали хабар берди.

Эслатиб ўтамиз, испаниялик мутахассиснинг 2023/2024 йилги мавсум якунида “Барселона”ни тарк этиши ҳақидаги қарори ўтган ҳафта охирида маълум бўлган эди. Хави "Барселона"ни 2021 йилнинг 6 ноябрида қабул қилиб олган эди. Бу вақт ичида 44 ёшли мутахассис каталонияликлар билан иккита соврин – Испания чемпионати ва Испания Суперкубоги (иккаласи ҳам 2022/2023 йилги мавсумда) соҳиби бўлди.