"Бавария"нинг чап қанот ҳимоячиси Aльфонсо Дэвис ўз ўйинининг пасайиш сабабини тушунтирди.
Эслатиб ўтамиз, 2020 йилда канадалик дунёнинг энг яхши чап қанот ҳимоячиси деб топилганди.
"2020 йилда ҳеч ким менга эътибор бермади, мен номаълум футболчи эдим, лекин кейин асосий таркибга кириб олдим ва яхши савияни кўрсатдим.
Aлбатта, бундан кейин одамларнинг менинг ўйинимдан умидлари ортди. Aйтишим керакки, бир нечта ўйинларни ҳисобга олмаганда, кўп даврда яхши ўйнадим.
Менинг ўйин услубим ўзгарди. Мен камроқ таваккал қилиб, дриблинг қила бошладим. Бироқ, мен 4 йил олдин билмаган баъзи нарсаларни энди яхшироқ тушунаман", - деди 23 ёшли канадалик футболчи.
