Бугун Анталияда учинчи назорат учрашувини ўтказган Қаршининг "Насаф" клуби “Рух” (Польша) жамоасини кичик ҳисобда мағлуб этишди.

Учрашувнинг 29-дақиқасида жамоамиз Ботир Қораевнинг чап қанотдан узатиб берган тўпини “Насаф” сардори Артур Геворкян “қайчи” усулида чиройли тарзда рақиб дарвозасига жойлаб қўйди. Бу гол амалда ўйин тақдирини ҳал қилди ва футболчиларамиз йиғин доирасида илк ғалабага эришишди. Учрашув давомида полшалик футболчиларда ҳам бир неча бор қулай имкониятлар бўлди. Аммо Михаил Наумов шу куни ишончли ҳаракат қилиб, рақиб ҳужумчиларига гол киритиш имконини бермади.

Бунгача Рўзиқул Бердиев шогирдлари назорат учрашувларида 1 дуранг ва 1 мағлубият қайд этишган эди.

11.02.2013. Анталия. “Гранд Акво” меҳмонхонаси.
“Насаф” (Ўзбекистон) – “Рух” (Польша) 1:0.
Гол: Артур Геворкян, 29.
“Насаф”: Михаил Наумов, Ҳамза Каримов, Мақсуд Каримов, Ботир Қораев, Шуҳрат Муҳаммадиев (Алишер Юсупов), Эркин Бойдуллаев (Мирзамурод Жўрабоев), Элдор Бойматов (Суҳроб Неъматов), Артур Геворкян, Фарруҳ Сайфиев (Мирзакамол Камолов), Кенжа Тўраев (Илҳом Шомуродов), Зоҳид Абдуллаев (Санжар Баратов).