Алекс Бальде Хавининг талабига биноан операция қилинади.

Эслатиб ўтамиз, 20 ёшли ҳимоячи бисепс пайини шикастлаб олганди. У жарроҳлик амалиётини талаб қилади ва натижада мавсумнинг қолган қисмини ўтказиб юборади.

Mundo Deportivo нашри хабарига кўра, "Барселонада"ги баъзи одамлар операцияга қарши бўлиб, Бальдега консерватив даволанишни тавсия қилишган. Бироқ, Хави, мураббийлар штаби ва "кўк-анорранглилар"нинг тиббиёт жамоаси жарроҳлик аралашувни талаб қилиб, консерватив даволаниш Бальденинг профессионал фаолиятини хавф остига қўяди ва куч ва тезликни йўқотишига олиб келади, деб ҳисоблади. Унинг жароҳати Ансу Фатиникидан жиддийроқ саналади.

Бальде шу ҳафта жарроҳлик амалиётидан ўтиши хабар қилинган.