Ўзбекистон миллий терма жамоасининг собиқ футболчиси Жафар Ирисметов Россия Премьер-лигаси клубларини кучайтириши мумкин бўлган ҳамюртимизни айтди.
"Ўйлайманки, Одил Ҳамробековга Россия клублари қизиқади. У бемалол Россиянинг жуда яхши клубида ўйнай олади", - деди Ирисметов Metaratings.ru сайтига берган интервьюсида.
Унинг фикрича, ўзбекистонлик ёш футболчилар ўз ўйинлари билан яхши таассурот қолдиришмоқда. 27 ёшли Ҳамробеков "Пахтакор"да ўйнайди ва Transfermarkt портали томонидан 1,2 миллион еврога баҳоланган. Ўзбекистон терма жамоаси Осиё кубоги плей-офф босқичига чиқди.
