"ПСЖ" клуби ҳужумчи Килиан Мбаппе билан шартномани узайтириш бўйича ҳалигача таклиф билан чиққани йўқ, дея хабар бермоқда AS нашри. Франциялик футболчининг парижликлар клуби билан амалдаги шартномаси 2024 йилнинг ёзига қадар тузилган.
Манбага кўра, клуб раҳбарияти аввало Мбаппе Париждаги узоқ муддатли лойиҳанинг бир қисми бўлишни хоҳлаяптими ёки йўқлигини аниқламоқчи. Эслатиб ўтамиз, аввалроқ Килиан яқин кунларда "ПСЖ"га клубдаги келажаги ҳақида маълумот бериши ҳақида хабар берилган эди.
Жорий мавсумда 25 ёшли футболчи барча турнирларда 27 та ўйин ўтказиб, 28 та гол урди ва 6 та голли узатмани амалга оширди. Transfermarkt интернет портали франциялик ҳужумчининг бозор қийматини 180 миллион еврога баҳоламоқда.“ПСЖ” жорий мавсум Франция чемпионатининг 19-туридан сўнг 44 очко жамғариб, турнир жадвалида биринчи ўринни эгаллаб турибди.
