Англия Премьер-лигаси клублари молиявий қоидабузарликлар учун санкциялардан қўрқишади.
Daily Mail нашри хабарига кўра, клублар харажатларни кейинги молиявий ҳисобот даврига қўллаш учун футболчилар билан шартномани узайтиришни ёзгача кечиктирмоқда. Айрим жамоалар аллақачон футболчилар билан янги шартномалар тузган, бироқ маошларни оширишни кейинги мавсумга қолдирмоқда.
Қолаверса, Премьер-лига клублари январь ойида трансфер харажатларини камайтиришга интилмоқда, натижада улар кредитга мурожаат қилмоқда.
Қайд этилишича, клубларнинг хавотирига молиявий қоидаларни бузгани учун 10 очкодан маҳрум этилган “Эвертон” билан боғлиқ вазият сабаб бўлмоқда. Шу билан бирга, Премьер-лиганинг кўплаб жамоалари ҳам чегарадан ошиб кетишга яқин турибди.
