Angliya Premyer-ligasi klublari moliyaviy qoidabuzarliklar uchun sanksiyalardan qo‘rqishadi.

Daily Mail nashri xabariga ko‘ra, klublar xarajatlarni keyingi moliyaviy hisobot davriga qo‘llash uchun futbolchilar bilan shartnomani uzaytirishni yozgacha kechiktirmoqda. Ayrim jamoalar allaqachon futbolchilar bilan yangi shartnomalar tuzgan, biroq maoshlarni oshirishni keyingi mavsumga qoldirmoqda.

Qolaversa, Premyer-liga klublari yanvar oyida transfer xarajatlarini kamaytirishga intilmoqda, natijada ular kreditga murojaat qilmoqda.

Qayd etilishicha, klublarning xavotiriga moliyaviy qoidalarni buzgani uchun 10 ochkodan mahrum etilgan “Everton” bilan bog‘liq vaziyat sabab bo‘lmoqda. Shu bilan birga, Premyer-liganing ko‘plab jamoalari ham chegaradan oshib ketishga yaqin turibdi.