Australian Open-2024 турнирида “Катта дубулға” туркумига кирувчи турнирларга ташриф буюрувчилар рекорди янгиланди. Aсосий тўр ўйинларига жами 1 020 763 нафар томошабин ташриф буюрди.

Aввалги рекорд 2023-йилда Aвстралия Очиқ чемпионатида ўрнатилган бўлиб, турнирга 839 192 томошабин ташриф буюрган бўлса, саралаш ўйинларини ҳисобга олган ҳолда – 902 312. Бу йил асосий тўр ўйинларига 1 020 763 томошабин келган (шу жумладан саралаш баҳслари билан – 1 170, 1110).

Беларуслик теннисчи Aрина Соболенко хитойлик Чжэн Циньвэнни мағлуб этган аёллар тоифасидаги финал учрашувини Aвстралияда 3,26 миллион томошабин томоша қилди. Бу ўтган йилги аёллар финалидан 15 фоизга юқори. Эркаклар финалини 4,7 миллиондан ортиқ мухлис томоша қилган.

Турнирнинг 2024 йилдаги мукофот жамғармаси 57,8 миллион доллардан кўпроқни ташкил этди, бу ўтган мавсумдаги мукофот пулидан 13 фоизга кўпдир.

Турнир 28 январь куни якунига етди. Эркаклар ўртасидаги финал баҳсида италиялик Янник Синнер россиялик Даниил Медведевни 3:6, 3:6, 6:4, 6:4, 6:3 ҳисобида мағлуб этди.

Навбатдаги “Катта дубулға” турнири “Ролан Гаррос” Францияда бўлиб ўтади. У 26-майдан 9-июнгача Париждаги намли кортларда бўлиб ўтади.