"Ливерпуль" раҳбарияти "мерсисайдликлар" собиқ спорт директори Майкл Эдвардс билан боғланиб, клубга қайтиш таклифини билдирган, бироқ англиялик мутахассис рад жавобини берган. Бу ҳақда журналист Фабрицио Романо хабар берди.
Манбага кўра, "Ливерпуль" раҳбарлари Эдвардсдан клуб таркибини ўзгартиришни хоҳлашган. Таъкидланишича, у инглиз клубининг бу таклифини рад этган, чунки у ҳозирда бундай ишларга қизиқмайди.
Эслатиб ўтамиз, Эдвардс 2011 йилдан буён "Ливерпуль" таркибида ишлаб, жамоанинг бош таҳлилчиси сифатида ишлаган. 2016 йилдан 2022 йилгача 44 ёшли мутахассис "мерсисайдликлар" спорт директори лавозимида ишлаган. Унинг фаолияти давомида “Ливерпуль” Англия чемпионати (2019/2020 йилги мавсум) ҳамда Чемпионлар лигаси (2018/2019 йилги мавсум)да ғолиб чиқди.
