"Реал Мадрид" ярим ҳимоя чизиғига креатив ўйинчи қидирмоқда. Todofichajes хабарига кўра, мадридликлар ёзда "Ньюкасл"дан Бруно Гимараэсни сотиб олишлари мумкин.
Манбага кўра, Гимараэснинг "Реал"га ўтиш нархи 60 миллион еврони ташкил қилиши мумкин. 26 ёшли бразилиялик футболчи бир неча сабабларга кўра Мадрид клубида юқори баҳоланади. Биринчидан, Гимараэс Лука Модрич ёки Тони Кроос ўрнини эгаллаши мумкин. Иккинчидан, Бруно турли ярим ҳимоя позицияларида ўйнашга қодир. Учинчидан, у голли вазиятлар яратишни билади.
Аввалроқ, миш-мишлар Бруно Гимараэсни бошқа топ-клуб – Франуиянинг "ПСЖ"си билан фаол боғлаганди.