Англияда Премьер-лигасининг йигирма иккинчи тур ўйинлари бошланди, Лондоннинг "Арсенал" жамоаси Ноттингемда маҳаллий клубни 2:1 ҳисобида мағлуб этди. "Арсенал" бош мураббийи Микель Артета ўйин натижасини шарҳлади.
"Ўтмишда "Ноттингем"га қарши ёмон хотирамиз бор эди, ўтган мавсумда биз чемпион бўлишимиз мумкин бўлган куни уларга қарши ўйинда мағлуб бўлгандик. Бу аччиқ хотиралар. Аммо бугун жамоа аъло даражада ўйнади ва бутун ўйин давомида майдонда устунлик қилди. Фақат ўйин охирида ўтказиб юборилган гол мени бироз асабийлаштирди", - дея Артета сўзларини келтиради BBC Sport.
