Туркиянинг "Галатасарой" клуби ҳужумчиси Дрис Мертенс футболчилик фаолиятини якунлаш ҳақида ўйлаётганини тан олди.
“Авваллари майдонга чиққанимда, қизиб олишим шарт эмас эди. Энди танам қизиши керак. Мен хафаман. Бу ғалати туюлмоқда, лекин мен тўхташни хоҳламайман. Мен ҳали ҳам футболдан завқланаман ва дунёдаги энг яхши ишим бор, лекин мен кўпроқ бўш вақтга эга бўлишни ҳам интиқлик билан кутяпман", деди Мертенс.
Жорий мавсумда 36 ёшли футболчи барча турнирлар доирасида 32 та учрашувда иштирок этиб, 5 та гол урди ва 5 та голли узатмани амалга оширди. Мертенснинг "Галатасарой" билан шартномаси шу ёзда тугайди.
