“Ан-Наср” колумбиялик дарвозабон Давид Оспинани ўз таркибида сақлаб қолди.
"Хуш келибсиз, Давид", - дейилади клубнинг ижтимоий тармоқдаги саҳифасида.
35 ёшли дарвозабон сўнгги бор жамоада ўтган йилнинг январь ойида ўйнаган, шундан сўнг жароҳати туфайли узоқ муддатга сафдан чиққан эди.
Декабрь ойида у Колумбия терма жамоаси сафида Мексика билан ўртоқлик учрашувида майдонга тушган.
Бундан ташқари, “Ан-Наср” австралиялик ҳимоячи Азиз Бехич билан мавсум охиригача шартнома имзолаганини маълум қилди.
33 ёшли футболчи жорий мавсумда “Мельбурн Сити” сафида ўйнади. Ҳозирда у Осиё Кубогида иштирок этмоқда.
Шунингдек, “Ан-Наср” ярим ҳимоячиси Секо Фофана ва ҳимоячи Абдулла Маду “Ал-Иттифоқ”га 6 ойга ижарага ўтгани маълум бўлди.
