“An-Nasr” kolumbiyalik darvozabon David Ospinani o‘z tarkibida saqlab qoldi.

"Xush kelibsiz, David", - deyiladi klubning ijtimoiy tarmoqdagi sahifasida.

35 yoshli darvozabon so‘nggi bor jamoada o‘tgan yilning yanvar oyida o‘ynagan, shundan so‘ng jarohati tufayli uzoq muddatga safdan chiqqan edi.

Dekabr oyida u Kolumbiya terma jamoasi safida Meksika bilan o‘rtoqlik uchrashuvida maydonga tushgan.

Bundan tashqari, “An-Nasr” avstraliyalik himoyachi Aziz Bexich bilan mavsum oxirigacha shartnoma imzolaganini ma’lum qildi.

33 yoshli futbolchi joriy mavsumda “Melburn Siti” safida o‘ynadi. Hozirda u Osiyo Kubogida ishtirok etmoqda.

Shuningdek, “An-Nasr” yarim himoyachisi Seko Fofana va himoyachi Abdulla Madu “Al-Ittifoq”ga 6 oyga ijaraga o‘tgani ma’lum bo‘ldi.